ஹம்பாந்தோட்டை மாவட்டத்தில் கொரகஹ குளத்தைப் புனரமைக்கும் பணிகள் ஆரம்பம்

விவசாயம், கால்நடை வளம், காணி மற்றும் நீர்ப்பாசன அமைச்சின் கீழ் நடைமுறைப்படுத்தப்படும் "வாரி மஹிம – எமது பாரம்பரியம்" எனும் தேசிய குளம் புனரமைப்புத் திட்டத்தின் கீழ், ஹம்பாந்தோட்டை மாவட்டத்தில் கொரகஹ குளத்தைப் புனரமைக்கும் பணிகள், கடந்த ஆகஸ்ட் மாதம் 04ஆம் திகதி காணி மற்றும் நீர்ப்பாசன பிரதி அமைச்சர் அரவிந்த சேனரத்ன அவர்களின் தலைமையில் ஆரம்பிக்கப்பட்டன.

இத்திட்டத்திற்காக ரூபாய் 24.7 மில்லியன் நிதி ஒதுக்கீடு செய்யப்பட்டுள்ளது. புனரமைப்புப் பணிகள் நிறைவடைந்த பின்னர், கொரகஹ குளத்தை நம்பியிருக்கும் விவசாய மக்களுக்கு மேலும் திறமையான, நிலையான நீர் வழங்கல் கிடைக்கும் என எதிர்பார்க்கப்படுகிறது. இதன் மூலம் பிராந்தியத்தில் பழம், காய்கறி மற்றும் இடைப்பயிர் சாகுபடிகளை மேலும் விரிவுபடுத்தி, விவசாய மக்களின் வருமான வழிகளைப் பலப்படுத்துவதே இத்திட்டத்தின் முக்கிய நோக்கமாகும்.

இதன் மூலம் விவசாய உற்பத்தியை மேம்படுத்துவதோடு, அப்பகுதியின் நீர் முகாமைத்துவத்தையும் உணவுப் பாதுகாப்பையும் பலப்படுத்துவதற்கும் பங்களிப்பு கிடைக்கும் என எதிர்பார்க்கப்படுகிறது.

இந்நிகழ்வில் ஹம்பாந்தோட்டை பிரதேச சபைத் தலைவர் சுமித் குமார அவர்கள், "வாரி மஹிம – எமது பாரம்பரியம்" திட்டத்தின் இயக்குநர், பொறியியலாளர். சந்தன எதிரிசூரிய அவர்கள், முதன்மைத் தொழில்நுட்ப ஆலோசகர், பொறியியலாளர் டபிள்யூ. பி. பலுகஸ்வெவ அவர்கள், ஹம்பாந்தோட்டை நீர்ப்பாசனப் பொறியியலாளர் திருமதி ஆர். எம். டி. மாலா சமரக்கொடி அவர்கள், மகாவலி அதிகார சபையின் பிரிவு முகாமையாளர் வசந்த குமார அவர்கள், மாவட்ட நீர்ப்பாசனப் பொறியியலாளர் டபிள்யூ. ஏ. பி. எஸ். பிரதீப் குமார அவர்கள், ஹம்பாந்தோட்டை மாவட்ட விவசாய சேவைகள் உதவி ஆணையாளர் அவர்கள், பிரதி மாகாண விவசாயப் பணிப்பாளர் திருமதி ஆர். பி. டபிள்யூ. பிரசங்கிகா அவர்கள், அம்பலாந்தோட்டை பிரதேச சபைத் தலைவர் விபுல விஜேதாஸ அவர்கள் உள்ளிட்ட அரசியல் பிரதிநிதிகள், அரச அதிகாரிகள் மற்றும் பிராந்திய மக்கள் பலர் கலந்துகொண்டனர்.